Sekretari i NATO-s takon Mitsotakis në Greqi, bisedime mbi luftën në Ukrainë, Rutte: Mburoja antiraketë është më e rëndësishme se kurrë 26/11 12:49
Gjermani
Gjermania raportoi rritjen e saj më të ulët të vdekjeve të koronavirusit në një periudhë 24-orëshe që nga 25 mars, tha qendra e vendit për kontrollin e sëmundjeve.
Sipas të dhënave nga Instituti Robert Koch, 43 njerëz vdiqën nga simptomat që lidhen me Covid-19 midis të dielës dhe të hënës, duke sjellë numrin e përgjithshëm të vdekjeve në shkallë vendi në 6.692.
Numri i infeksioneve të reja në Gjermani gjithashtu mbetet relativisht i ulët, me 679 raste të reja të konfirmuara.
Në të njëjtën hapësirë kohore 24-orëshe, rreth 2.200 njerëz u shëruan nga virusi.
Kancelarja gjermane Angela Merkel ka thënë më parë se një rënie e vazhdueshme e infeksioneve të reja dhe gjurmimi i zgjeruar i kontaktit do të jenë thelbësore për kufizime të mëtejshme, të destinuara për të luftuar pandeminë.
Merkel ka vendosur të takohet me qeveritarët e shtetit gjerman të Mërkurën për të biseduar rreth rihapjes së ekonomisë së vendit.
Top Channel
