Nga testosteroni tek energjitë e konsumuara, zbardhet “sherri” tek reforma zgjedhore

Dy orët e mbledhjes me dyer të mbyllura në kryesinë e Kuvendit, janë shoqëruar me tone të ashpra dhe fjalor aspak etik nga ligjvënësit. Të rinjtë kanë rritur sërish presionin ndaj shumicës parlamentare duke kërcënuar më forcën e kartonit, për mosmiratimin e ndryshimeve në Kodin Elektoral nëse ai nuk kalon i plotë, madje qëndrimin e tyre bëjnë me dije se ja kanë bërë të qartë edhe ndërkombëtarëve. Por, mazhoranca ka akuzuar opozitarët për “pengmarrje” të reformëz zgjedhore. Top Channel, ju zbardh me poshtë një pjesë nga deklaratat më të forta të bëra në komisionin të reformës zgjedhore.

Pjesë nga debate me dyer të mbyllura

Rudina Hajdari – Një gjë që është shumë e qartë nga opozita dhe kolegët e mi janë të hapur të flasin vetë në lidhje me këtë gjë: në asnjë lloj mënyrë nuk do të pranojmë një proces me dy faza. Këtë gjë nuk do ta marrim fare përsipër. Detyra jonë është që ne të vijmë me një lloj propozimi konkret, të kemi një vendim qartazi se cili është sistemi që ne do të shtyjmë përpara. Pra, të mos thotë zoti Roshi një gjë tjetër, zoti Alimadhi një gjë tjetër, Rudina një gjë tjetër apo zoti Murrizi një gjë tjetër. Ne të gjithë si opozitë kemi për detyrë të kemi një sistem të qartë dhe detyra jonë, në mënyrë që të ecim në mënyrë paralele me rekomandimet e OSBE-ODIHR-it, është që ta bëjmë brenda dhjetorit.

Muslim Murrizi – Edhe unë mbështes absolutisht atë që tha zonja Hajdari. Të njëjtën gjë ia thamë para gjysmë ore Boshartit dhe Sorekës, që ne nuk votojmë në dy, tre apo në gjashtë faza. Reforma zgjedhore nuk është garë 4×4, që të bëhet me stafeta. Që të jemi më konkretë ata mund të kenë detaje teknike apo jo në draftin që mund të na e keni vënë në dispozicion, se shoh disa nene të ndryshuara aty. Ky komision duhet të përqendrohet në katër pika kryesore, pastaj mund ta ndani në nënparagrafë si të doni, siç ka ndarë Gjermania dy pika në nëntë paragrafë. Së pari është sistemi zgjedhor. Së dyti është depolitizimi i komisioneve. Së treti është financimi i partisë. Së katërti është vota e emigrantëve. Ju me atë “kçk”-në, po gjetët lekë për të blerë vota, për t’i bërë 84, rrugë e mbarë ju qoftë, se shpejt keni për t’ia parë hajrin!

Damian Gjiknuri- Ju lutem, me radhë. Unë po them: ejani me propozim në lidhje me sistemin zgjedhor. Ju do të vini me një propozim, ramë dakord. E dyta, të ecim me paketën e rekomandimeve të ODIHR-it. Unë them të ecim me këtë, të mos e mbajmë peng si proces vetëm e vetëm që, po nuk u bë kjo nuk do të ecë asgjë tjetër. në fund të fundit pastaj, në qoftë se vendosni ju politikisht, që do ta mbani peng, kjo është zgjedhja juaj, është një proces që ju e vlerësoni vetë, nëse do të fitoni politikisht apo do të humbni më shumë. Kjo është çështja juaj. Unë nuk jam këtu për t’ju dhënë mendim, që po bëni zgjedhjen e duhur.

(Ndërhyrje pa mikrofon)
Damian Gjiknuri – O Myslim, të thashë pra. Unë mendoj t’i miratojmë këtu. Ka dy miratime, ka dy votime: votimi këtu, mes nesh, dhe votimi në parlament. Votimi mes nesh nuk na pengon të themi se paketa është gati. (Ndërhyrje pa mikrofon) Po nuk e ke sistemin fare. Sistemi është ndryshim në Kushtetutë. (Ndërhyrje pa mikrofon) Të lutem, të lutem tashti! Rekomandimet e ODIHR-it duhet të ecin, t’i kemi ne këtu.

Myslim Murrizi – Po pse? Nuk i dua fare, nuk i dua ato, nuk i votoj.
Damian Gjiknuri – Mirë pra, dakord, Myslim, e the qëndrimin tënd!
(Ndërhyrje pa mikrofon)
Damian Gjiknuri – Po u prish rregulli këtu, ne ca jemi me nivel testosteronesh të larta, do të vijnë edhe ca të tjerë nga jashtë dhe nuk do të bëjmë më asnjë bisedë. Kur kemi debate dhe ftohen të gjithë aktorët politikë, do të flasin të gjithë.

(Ndërhyrje pa mikrofon)
Alket Hyseni – Zoti kryetar, është e disata mbledhje që nuk bëjmë asnjë hap para, por bëjmë vetëm retorikë. Më thoni një rresht që kemi miratuar dhe kemi rënë të gjithë dakord? Bëjmë bla bla dhe kjo nuk është dinjitoze për ne, se do të vijë dita që në fund të gjësë, nga presioni, (a i mbani mend ata 140 burra e gra që shkuan e kapën për veshi)… kështu do të na e bëjnë juve dhe neve. Mos u bëni trima sikur nuk e bëni dot! Komisioni ka një procedurë. (Diskutime pa mikrofon) Myslim, të lutem, kë ndalova unë? (Ndërhyrje pa mikrofon) Mua, në rregull. Kam 30 vjet unë. Fillove me personale? E ke komplet gabim. Nuk është për trimëri kjo, muhabet kot! Myslim, lërë tani! A di të flasësh politikisht apo, si në katund? Si në katund do të flasim? (Ndërhyrje pa mikrofon) Po, prej veshi politikisht. Po qe se nuk je dakord, në rregull. A mund të flas unë deri në fund? Kur flas unë, ndalo, kur të mbaroj, merre fjalën dhe dil kundër! Mësohu me etikë! Mbaj rregull! Unë të dëgjova kur fole ti dhe për 90% të gjërave nuk jam dakord dhe nuk të ofendova e as të pengova. Do të na kapin thashë. 22 (Ndërhyrje pa mikrofon) Ti mos na trash zërin, se nuk ta kemi frikën, por si bashkëkryetare duhet të moderosh e jo të kërcënosh!

Rudina Hajdari – Kam edhe një gjë të fundit. Duhet të mundohemi që të paktën (diskutojeni edhe ju me grupin tuaj, zoti bashkëkryetar) të gjejmë një mënyrë komunikimi më të drejtë, sepse kjo mënyrë nuk përballohet dot psikologjikisht. Jemi të lodhur, kemi shumë 30 punë të tjera dhe nuk do t’i konsumojmë të gjitha energjinë… Për çfarë?! Ju lutem shumë, flisni me njëri-tjetrin dhe gjeni një gjuhë komunikimi! Edhe ne do të flasim me njëri-tjetrin, që të kemi një rregull këtu. Përndryshe po kaluam në ofendime, nuk… Po të na shikojë dikush nga jashtë duke folur me njëri-tjetrin në këtë lloj mënyre, është… (Debate pa mikrofon).

Top Channel