Kosovarët, pa viza në Europë
19/01/2014 00:00
Krim në familjen shqiptare, detajet nga ngjarja e rëndë 28/10 08:56
Kosovarët nuk duhet të presin të lëvizin pa viza, para viti 2016.
Në bazë të një shpjegimi, që kanë dhënë zyrtarë europianë, Kosova mund
të marrë një raport pozitiv verën e këtij viti, por ai nuk do të jetë i
mjaftueshëm, që në vjeshtë të ketë vendim pozitiv për heqjen e vizave.
“Përveç detyrave që nuk janë kryer, ky është vit zgjedhor në BE. Vendimi për heqjen e vizave nuk është shumë i dashur dhe nuk mund të pritet që zyrtarët, të cilët po përfundojnë mandatin, të marrin një vendim të tillë”.
Kështu shkruan gazeta “Tribuna”, duke cituar një diplomat europian. Ky i fundit, në kushte anonimiteti, tha se procesi i zgjedhjeve në BE do të kërkojë kohë, ashtu si dhe krijimi i strukturave të reja.
Gazeta shkruan se koha më e pritshme për një vendim mbi heqjen e vizave për Kosovën është vjeshta e vitit 2015 dhe, nëse kjo ndodh, atëherë që nga viti 2016 kosovarët do të mund të lëviznin pa viza në zonën Schengen.
Top Channel
