Këtë të premte, trajneri i kombëtares argjentinase Lionel Scaloni do të publikojë listën e futbollistëve që do të marrë me vete në Botërorin e kësaj vere që do të mbahet në Meksikë, Kanada dhe SHBA, një edicion special ky pasi skuadra Albiceleste do të shkojë si kampione e botës në fuqi edhe sepse pritet të jetë botërori i fundit i Lionel Messit.
Sipas gazetarit Edu Gaston që është gjithnjë i informuar mbi atë që ndodh rreth futbollistëve argjentinas, Scaloni do të lërë jashtë skuadre Franco Mastantuono edhe pse i kishte shanset për të qenë pjesë e skuadrës madje gjatë kualifikueseve të Botërorit të Zonës Amerikano Latine, gjatë mungesës së Lionel Messit, Mastantuono ka mbajtur fanelën me numrin 10
Trajneri argjentinas vazhdon të ketë besim te i riu 18 vjeçar, por arsyet që ai e lë atë jashtë skuadre janë thjesht teknike. Franco Mastantuono nuk është aktivizuar shumë te Reali i Madridit dhe duket se ka humbur besimin te vetja, një besim që shpresohet ta rifitojë pas këtij evenimenti me më pak presion.
Top Channel
