Inter e ka seriozisht për Curtis Jones, klubi zikaltër hyn në kontakt me Liverpool 28/05 14:36
Skema e ngjyrave
Madhësia e shkrimit
Tre persona mbetën të plagosur dhe një burrë u ndalua nga karabinierët pas një incidenti të ndodhur të mërkurën në Monticiano, në provincën e Sienës në Itali, pak para funeralit të Giovanna Regolit, bashkëshortes së ish-drejtuesit të futbollit italian Luciano Moggi.
Sipas mediave italiane, një shtetas i huaj ka humbur kontrollin dhe ka sulmuar fillimisht don Paolo Casagrande, priftin që do të drejtonte ceremoninë pas funeralit. Më pas ai ka goditur edhe komandantin e stacionit lokal të karabinierëve si dhe një qytetar tjetër që ndërhynë për ta neutralizuar.
Autori i sulmit arriti fillimisht të largohej duke përfituar nga rrëmuja dhe numri i madh i njerëzve të pranishëm, por më vonë u identifikua dhe u shoqërua në komisariat nga karabinierët.
Tre të plagosurit morën ndihmën e parë në vendngjarje dhe më pas u transportuan në spitalin “Santa Maria alle Scotte” në Siena për trajtim mjekësor.
Për shkak të incidentit, ceremonia mortore u drejtua më pas nga don Virgil Farcas Gherghina, prifti i Arcidossos.
Lidhur me ngjarjen reagoi edhe kryebashkiaku i Monticianos, Alessio Serragli, i cili tha se episode të tilla trondisin një komunitet të vogël si ai i tyre dhe shprehu solidaritetin ndaj personave të sulmuar
Top Channel
