Ish-kampionia britanike e garave të shkurtra, Elise Christie, ka ndarë me publikun ndryshimet drastike në jetën e saj që nga tërheqja nga garat.
Në moshën 35-vjeçare, Christie ka zbuluar sfidat që ka kaluar pas largimit nga sporti dhe se si vështirësitë financiare, të përkeqësuara nga shkurtimet e fondeve sportive dhe zhgënjimet olimpike të Sochi 2014 dhe PyeongChang 2018, e detyruan të ndryshonte rrugën e saj të karrierës.
Në një intervistë të fundit, Christie shpjegoi se pas përfundimit të karrierës së saj si atlete, ajo punoi për një kohë në një piceri për të mbështetur veten. Ajo gjithashtu krijoi një profil në OnlyFans për të siguruar të ardhura shtesë dhe për të përballuar vështirësitë financiare.
Ish-kampionia e akullit, e njohur për sukseset e saj në garat e shpejtësisë, përjetoi një dëmtim të rëndë në kyçin e këmbës, që i dha fund përfundimisht ëndrrës së saj për të garuar në Lojërat Olimpike të Pekinit 2022. Ky dëmtim e detyroi Christie-n të lërë pas pistat e akullit dhe të fillojë një kapitull të ri të jetës, larg nga sporti.
Top Channel
