Dhunimi i rëndë i të riut në Lezhë, arrestohen edhe dy nga autorët e shpallur në kërkim 13/04 10:54
Pas përfundimit të turneut të saj “Radical Optimism” në Zelandën e Re, Dua Lipa ka mbërritur në Londër dhe është ribashkuar me të fejuarin e saj, aktorin Callum Turner.
Këngëtarja 29-vjeçare ndau me ndjekësit në Instagram disa momente të ëmbla nga takimi i tyre i shumëpritur.
Në një nga fotot më të pëlqyera, Callum shihet duke i dhuruar një puthje në faqe Dua-s teksa pozonin në një restorant intim. Dua shfaqej natyrale dhe rrezatuese me një bluzë të gjelbër, xhinse klasike dhe unazën e fejesës që binte në sy në dorën e saj.
Një tjetër foto romantike i tregonte të përqafuar në rrugë, ndërsa një imazh tjetër kapte këmbët e tyre të shtrira në një stol parku, duke shijuar rrezet e diellit.
Çifti u shfaq gjithashtu duke ndjekur një ndeshje të Arsenalit nga një zonë private së bashku me babain e saj.
Postimi përfundonte me një selfie me një mikeshë dhe një foto të dy qenushëve të adhurueshëm, që rrëmbyen zemrat e fansave. Përshkrimi i saj “shtëpi shtëpi shtëpi, shtëpi e ëmbla shtëpi shtëpi shtëpi” i dha një tjetër notë të ndjerë rikthimit në Londër.
Dua dhe Callum janë përfolur si çift që nga janari 2024 dhe sipas mediave, janë fejuar në fund të atij viti, megjithëse kanë zgjedhur ta mbajnë lidhjen kryesisht larg syrit të publikut.
Ndërkohë, në postimet e saj të fundit nga Zelanda e Re, Dua ndau disa pamje nga daljet e saj gjatë natës, duke treguar veshje të guximshme dhe stil karakteristik.
Në një nga performancat e saj më të spikatura në Auckland, ajo veshi një bodysuit sateni rozë me korse, geta rrjete dhe çizme argjendi me shkëlqim.
Ylli britanik befasoi fansat edhe me një bashkëpunim të veçantë në skenë me Neil Finn, këngëtarin legjendar nga Zelanda e Re. Së bashku ata interpretuan hitin “Don’t Dream It’s Over”, duke emocionuar audiencën me një paraqitje të fuqishme dhe të ndjerë.
Koncerti ishte i dyti nga tre të tillë në Zelandën e Re, pas një serie prej tetë shfaqjesh spektakolare në Australi./Tar
Top Channel
