FSB-ja fiton pushtet të paparë në Rusi, gazetari Andrei Soldatov: Putini gjithnjë e më i varur nga shërbimet sekrete 10/08 11:17
Skema e ngjyrave
Madhësia e shkrimit
Mark Zuckerberg zgjodhi një mënyrë të pazakontë për të vijuar stërvitjen e tij në artet marciale, duke u përballur me yllin e UFC-së, Merab Dvalishvili, në një duel të zhvilluar mbi një barkë në Liqenin Tahoe.
Themeluesi i Meta-s publikoi në Instagram një video nga përballja, e cila u filmua nga një gjyqtar dhe disa persona të pranishëm në barkë.
Videoja nis me një moment spektakolar, kur Dvalishvili kap Zuckerberg-un dhe e hedh në ujërat e ftohta të liqenit. Megjithatë, drejtuesi i Facebook-ut tregoi se interesi i tij për artet marciale është shumë më tepër sesa thjesht ndjekja e ndeshjeve.
Gjatë përballjes, Zuckerberg shkëmbeu grushte dhe shqelma me Dvalishvilin dhe në disa momente duket se arrin edhe ta rrëzojë atë përtokë.
Dvalishvili, ish-kampion i UFC-së në peshat e lehta dhe një nga emrat kryesorë të këtij divizioni, nuk dukej se po e sforconte shumë kundërshtarin e tij. Megjithatë, në disa momente ai tregoi qartë diferencën mes një sportisti profesionist të nivelit të lartë dhe Zuckerberg-ut.
Përballjen e ndoqën spektatorë nga varkat përreth, ndërsa në një moment u shfaq edhe bashkëshortja e Zuckerberg-ut, Priscilla Chan, e cila po lundronte me kajak.
Duke parë bashkëshortin e saj duke luftuar pa bluzë, Chan komentoi me humor: Marku nuk vesh bluzë.
Zuckerberg shpjegoi se ishte Dvalishvili ai që kishte këmbëngulur që të hiqte bluzën, pasi kështu “duket më shumë si një luftëtar” dhe Chan duket se e pohoi deklaratën e tij.
Atmosfera mes dy sportistëve ishte miqësore, pavarësisht goditjeve të shkëmbyera. Dvalishvili madje i kishte thënë më herët Zuckerberg-ut se mund të bënin diçka të ngjashme “çdo ditë”.
Kjo nuk ishte përballja e parë mes tyre. Zuckerberg dhe Dvalishvili ishin ndeshur edhe në dhjetor, kur kishin zhvilluar disa raunde në ring.
Themeluesi i Facebook-ut është bërë vitet e fundit një ndjekës i madh i arteve marciale të përziera dhe ka ndjekur nga afër edhe ndeshje së bashku me presidentin dhe CEO-n e UFC-së, Dana White.
MMA është kthyer në një nga interesat e tij më të spikatura jashtë teknologjisë dhe Zuckerberg ka publikuar herë pas here pamje nga stërvitjet e tij.
Përballja në Liqenin Tahoe përfundoi po aq spektakolare sa edhe nisi. Dvalishvili e kapi sërish Zuckerberg-un dhe e hodhi në ujë, përpara se të zhytej edhe vetë në liqen.
Kështu, dueli i tyre i dytë i regjistruar përfundoi me të dy në ujërat e Liqenit Tahoe.
Top Channel
