Lideri i opozitës gjermane “kopjon” Trumpin, premton dëbimin e emigrantëve të paligjshëm nga vendi 23/01 20:13
Këngëtarja Yuval Raphael do të përfaqësojë Izraelin në Eurovizionin e këtij viti që do të mbahet në Zvicër më 17 maj.
Artistja 24-vjeçare, nuk është një emër i padëgjuar më parë për botën… ajo është një nga të mbijetuarit e masakrës në festivalin muzikor Nova gjatë sulmit të Hamasit më 7 tetor 2023.
Ajo fitoi konkursin Rising Star të Channel 12 dhe “biletën” për në Eurovision 2025. Fitorja e Yuval Raphael u “vulos” nga performancat e saj të Abba’s Dancing Queen dhe Sam Smith’s Ëriting’s On The Ëall.
Kënga që 24-vjeçarja do të performojë në Zvicër do të zgjidhet nga një ekip njerëzish të muzikës dhe do të zbulohet në një emision special në muajin mars.
Në mars 2024, Raphael ishte pjesë e grupit që dëshmoi në gjykatën e OKB-së në Gjenevë për atë që ajo përjetoi më 7 tetor 2023.
Në atë kohë, këngëtarja e re ishte fshehur në një strehë jashtë së bashku me 50 të tjerë
Vetë ajo ka rrëfyer eksperiencën që ka pasur kur u detyrua të qëndrojë për 8 orë nën kufomën e një zonje tjetër duke thënë: “Nuk mund t’ju përshkruaj sa i rëndë bëhet një trup kur është i pajetë”.
Nga 50 personat që u fshehën me 24-vjeçaren, vetëm 12 i mbijetuan sulmit nga terroristët e Hamasit.
Top Channel
