Analiza/ 87% këtu duan mbylljen e TikTok dhe Snapchat, ndërkohë Australia po i bllokon për adoleshentët 22/11 12:34
Ish-shefi i Federatës Spanjolle të Futbollit, Luis Rubiales do të dalë në gjyq për puthjen e tij për puthjen që i dha Jennifer Hermosos, pasi një gjykatës i Gjykatës së Lartë në Madrid pranoi çështjen.
Rubiales përballet me një akuzë për sulm seksual pas puthjes, e cila ndodhi në fitoren e Spanjës në Kupën e Botës vitin e kaluar. Prokurorët spanjollë kërkojnë respektivisht një vit e 18 muaj burg për veprat penale, ose gjithsej dy vjet e gjashtë muaj.
Ministria Publike e Spanjës ka akuzuar zyrtarisht Rubiales, ish-presidentin e Federatës Mbretërore të Futbollit Spanjoll (RFEF), për sulm seksual për puthjen e Hermosos “pa pëlqim ose pranim”.
Rubiales ka mohuar vazhdimisht çdo keqbërje dhe ka thënë se i është dhënë pëlqimi nga Hermoso. “Për mua, nuk ka krim”, tha Rubiales për kanalin televiziv La Sexta në prill.
Rubiales, i cili më parë ka kërkuar falje për puthjen tha se nuk kishte asgjë seksuale në veprimet e tij dhe pretendoi se i kishte kërkuar pëlqimin Hermoso, për të cilën ai tha se ajo u përgjigj “vale”, spanjisht për “OK”.
Hermoso ka thënë më parë se nuk ka pranuar dhe nuk është respektuar nga Rubiales.
“Më është dashur të mbaj pasojat e një akti që nuk e provokova, të cilin nuk e zgjodha apo e paramendova”, tha ajo për GQ Spain në një intervistë nëntorin e kaluar. “Kam marrë kërcënime dhe kjo është diçka me të cilën nuk do të mësoheni kurrë.”
Gjykata e Lartë do të gjykojë edhe ish-trajnerin e kombëtares së femrave, Jorge Vilda, drejtorin aktual sportiv të skuadrës, Albert Luque dhe shefin e marketingut të federatës, Ruben Rivera. Ata akuzohen se e kanë detyruar Hermoson të thotë se puthja ishte konsensuale.
Gjykata ka caktuar një garanci prej 65,000 eurosh (69,836 dollarë) për akuzën e Rubiales për sulm seksual. Gjykata ka caktuar gjithashtu një kusht të përbashkët të veçantë prej 65 mijë eurosh për Rubiales, Vilda, Luque dhe Rivera për akuzën e detyrimit.
Top Channel
