Një ngjarje tejet emocionuese po merr vëmendjen jashtë fushave të blerta të Kupës së Botës, duke vërtetuar se ky turne është shumë më tepër se thjesht një lojë.
Departamenti i Shtetit i SHBA-së po bën përpjekje maksimale për të ndihmuar nënën e portierit të Kepit të Gjelbër, Vozinha, që të udhëtojë drejt Shteteve të Bashkuara të Amerikës.
Sipas një zyrtari të Departamentit të Shtetit, institucioni amerikan është angazhuar për të lehtësuar procedurat, me qëllimin e vetëm që t’i japë asaj mundësinë e artë për të parë të birin teksa luan drejtpërdrejt nga shkallët e stadiumit. Kjo nismë e veçantë po bën xhiron e rrjetit, duke theksuar historitë e bukura njerëzore që fshihen pas yjeve të Kupës së Botës.
Top Channel
