Sport Të Fundit

Nga Brazili në Gjermani, tre klube të Premier League bëjnë “xing” në merkato

24/11/2023 09:15

Merkato e janarit është më pranë se kurrë dhe klubet kanë nisur të mendojnë për goditjet që iu duhen për të përforcuar organikën.

Klubet e Premier League janë gjithnjë të vëmendshme ndaj mundësive që paraqiten në tregun e transferimeve. Tregu brazilian është nga më të preferuarit dhe së fundmi tre klube angleze si Fulham, Liverpool dhe Manchester United janë vënë pas të njëjtit objektiv. Fjala është për Andre, mesfushor i Fluminense. Lojtari i datëlindjes 2001 kushton 15 milionë euro dhe cilësohet si një talent që do të bëjë karrierë të madhe në Europë. Pavarësisht moshës së re, Andre në sezonin 2022-2023 me Fluminense, Andre ka koleksionuar plot 56 paraqitje.

Por, nuk është vetëm Andre “molla e sherrit” për tre klubet angeze pasi Liverpool, Fulham e Manchester United interesohen edhe për Jonas Wind. 24-vjeçari aktivizohet me Wolfsburg në Bundesliga me sulmuesin që deri më tani në 13 ndeshje, numëron nëntë gola dhe dy asistë. Janë pikërisht këto shifra që kanë bërë që klubet angleze ta shohin si një përforcim ideal për merkaton e janarit. /Supersport

Top Channel