Ndodh mrekullia për 61-vjeçaren, arrin të bëhet nënë pas 37 viteve përpjekje 26/11 21:59
Zgjedhjet e veshjeve të familjes mbretërore britanike janë diskutuar prej kohësh nga publiku dhe media.
Monarkia është një institucion ku paanshmëria, neutraliteti politik dhe profesionalizmi duhet të ruhen me çdo kusht, madje edhe në veshje dhe zgjedhjen e ngjyrave.
Një anëtare e familjes mbretërore deri më tani ka arritur të mbajë një profil të ulët sartorial, edhe pse stili i saj i veçantë personal ka pësuar një ndryshim të rëndësishëm. Gruaja e mbretit Charles, Camilla, vlen të theksojmë se ka përmirësuar imazhin e saj publik pjesërisht duke përdorur ‘fuqinë e butë’ të modës.
Nga veshjet e zakonshme të fshatit si palltot, pulovrat e thurura dhe fundet e verës prej liri deri tek dukjet më mbretërore në kadife, kamoshi dhe saten, evolucioni i stilit të Camilla është për t’u diskutuar, para fejesës mbretërore dhe pas, edhe pse ajo e ka dashur prej kohësh modën.
Rikujtojmë se sot është ceremonia e madhe e kurorëzimit të mbretit Charles. Një turmë e madhe me njerëz do të marrë pjesë në këtë cereomoni madhështore. Pallati Lambeth lëshoi një deklaratë dhe sipas Mbretit Charles, që nga Dita e Kurorëzimit, Camilla duhet të quhet Mbretëresha Camilla.
Për 8 muajt e fundit, ajo është përmendur si “Mbretëresha Camilla”, por deklarata e Charles thotë se ndryshimi i titullit duhet të ketë një vend në çdo lutje për familjen mbretërore dhe në çdo formë ngjarjeje dhe ceremonie në Kishën e Anglisë. Titulli i ri i Camilla-s do të hyjë zyrtarisht në fuqi pasi ajo të kurorëzohet të shtunën në Westminster Abbey, ndërsa titulli i saj i ri nuk do të jetë zyrtar derisa të kurorëzohet me bashkëshortin e saj.
Top Channel
