Do të largohet nga City në fund të sezonit? Guardiola merr vendimin përfundimtar për të ardhmen e tij 19/05 17:27
UEFA ka ndërruar në momentet e fundit arbitrin kryesor të Salzburg-Roma. Dueli i parë i vlefshëm për raundin e 1/16-ve në Europa League, po transmetohet në SuperSport 1.
Për gjykimin e kësaj sfide ishte përzgjedhur suedezi Glenn Nyberg, por UEFA e zëvendësoi pak përpara fillimit të takimit me holandezin Dennis Higler.
Ky i fundit ishte pjesë e skuadrës së VAR-it në përballjen që po zhvillohet në tokën austriake. Shkaqet e këtij vendimi nuk tregohen.
Higler ka si ndihmës suedezin Mahbod Beigi dhe gjermani Eduard Beitinger. Zyrtari i katërt është gjithashtu suedez, Adam Ladeback.
Rezultati vazhdon të jetë 0-0, ndërkohë që Marash Kumbulla po e ndjek nga pankina këtë sfidë.
Top Channel
