VIDEO/ Manchester City nuk e ndal dot Armando Brojën, ‘Lojtari i Sezonit’ në Premier League kërkon t’i heqë… të mbathurat 26/12 16:55
Guardia di Finanza në Itali ka arrestuar presidentin e Sampdorias Masimo Ferrero. Në pranga kanë rënë dhe 5 persona të tjerë, mes tyre vajza e Ferreros, nipi i tij dhe shoferi.
Ata akuzohen për falimentimin e katër sipërmarrjeve që operonin në fushën e hotelerisë turizmit dhe kinematografisë.
Firmat kanë falimentuar 4 vjet më parë. Ish numri një i Sampdorias u transferua në burgun e Milanos, ndërkohë që dha menjëherë dorëheqjen nga drejtimi i klubit.
Mediat në Itali raportojnë se vajza e Ferreros dyshohet se ka përfituar përmes mashtrimit 740 mijë euro nga një kompani.
Mësohet se të paktën deri tani klubi i futbollit italian nuk është i përfshirë në asnjë çështje që akuzohet drejtuesi më i lartë i saj.
Por i gjithë ambienti është tronditur nga lajmi që erdhi në javën e derbit të Xhenovës.
Aktualisht drejtimin e klubit e ka marrë drejtori sportiv Alberto Bosco, i cili ka sigurur të gjithë punonjësit që të qëndrojnë të qetë dhe të vijojnë punën normalisht.
Top Channel
