Stërvitja më e madhe ushtarake që prej Luftës së Ftohtë, deklaratë e fortë nga Moska: NATO po përgatitet për luftë me Rusinë! 04/05 13:05
Mes emrave në listën e skandalit të Pandora Papers nuk figuron drejtpërdrejtë ai i Vladimir Putinit, por ka shumë burra e gra pranë presidentit rus që rezulton të kenë shmangur taksat në mënyrë flagrante. mes tyre, Svetlana Krivonogikh, e cila brenda pak vitesh ka arritur të grumbullojë një pasuri përrallore, duke blerë jahte, apartamente e vila nga Moska në Shën Petërburg që kapin shifrën e 100 milionë dollarëve.
“The Guardian” shkruan se Svetllana është e dashura sekrete e Putinit, me të cilin ka dhe një vajzë. Vetëm pak javë pas lindjes së saj, gruaja u bë papritur pronare e një kompanie offshore që bleu për 3 milionë e 600 mijë dollarë një rezidencë buzë detit në Monako. Marrëveshja u lidh nga të njëjtë persona të besuar që punojnë oligarkët e rrethit të ngushtë të shefit të Kremlinit.
Në listat e Pandora Papers figuron dhe emri i kryeministrit çek Andrej Babis, i cili nuk ka deklaruar një investim offshore për blerjen e një vile më shume se 20 milionë dollarë në jugun e Francës. Në dokumente përmendet dhe kompania turke e Ilicak Ronesans Holding, përgjegjëse për ndërtimin e pallatit presidencial të shumë përfolur me 1150 dhoma për presidentin e Turqisë Rexhep Tayyip Erdogan.
Top Channel
