Këngëtarja e njohur Britney Spears ka shpallur fejesën me të dashurin e saj 12 vite të ri, Sam Asghari.

Ylli i muzikës pop zbuloi lajmin nëpërmjet një postimi në Instagram të dielën, duke treguar unazën me diamant. “Nuk mund ta besoj”, ka shkruar këngëtarja.

Kjo fejesë vjen në një kohë kur Spears është në mesin e një beteje ligjore për ti dhënë fund kujdestarisë 13 vjeçare nga babai i saj, i cili i kontrollon jetën personale dhe financat.

Ajo zbuloi se kushtet e marrëveshjes po e pengonin atë të martohej me Asghari ose të kishte më shumë fëmijë. Vetë Asghari postoi një fotografi të veçantë të unazës dhe çiftit duke u puthur.

Spears dhe i fejuari i saj u takuan në xhirimet e një klipi muzikor në 2016. Asghari, një trajner dhe aktor 27-vjeçar, lindi në kryeqytetin iranian Teheran, por u transferua në Los Angeles në moshën 12 vjeç.

FOTO GALERI
2/9

Top Channel