Alexandra Bogomolova po udhëtonte drejt një prej stacioneve meteorologjike më të largëta të botës kur goditi fatkeqësia dhe helikopteri i saj u rrëzua.
36 vjeçarja arriti t’i mbijetojë përplasjes së tmerrshme ku u vra piloti i mjetit, teksa ishin duke dërguar furnizimet në vendndodhjen e largët të Arktikut në fundjavë.
Megjithse ka pësuar plagë të rënda ajo mrekullisht mbijetoi për tetë orë në të ftohtin arktik derisa grupet e shpëtimit arritën në vendin e ngjarjes.
Ajo raportohet se është në reanimacion por në gjendje “të qëndrueshme”, me dy fraktura këmbësh dhe disa gangrena nga i ftohti.
Piloti i helikopterit 58 vjecari Vladimir Volkov, i vepmi person tjetër në bord, u vra gjatë përplasjes.
Drejtoresha bankare mbeti e bllokuar në mbetjet e mjetit pranë pilotit të vdekur, në temperatura deri në -7C, deri në ardhjen e grupeve të shpëtimit.
Ajo vetë nuk kishte pasur aftësi të kërkonte ndihmë.
Pamjet nga skena e përplasjes tregojnë helikopterin totalisht të shkatërruar dhe raportimet për mbijetesën e saj, edhe pse në gjendje të rëndë, janë quajtur një mrekulli.
Helikopteri tip Bell 206B JetRanger III ishte thujase në fund të udhëtmit të tij prej 80-miljesh nga baza e Naryan-Mar drejt stacionit Severnoye kur u rrëzua për arsye ende të paditura.
Nëna e Bogomolova është drejtore e Bankës Industriale të Moskës në qytetin Naryan-Mar, port në rajonin autonom verior Nenets.
Piloti Volkov kishte shumë eksperiencë me kushtet arktike të fluturimit dhe një çështje kriminale është hapur nga hetuesit.
Top Channel