Me rikthimin e reshjeve të shiut, rikthehen problemet për banorët e lagjes “Guerile” në Shkodër.

Sistemi rrugor tejet i amortizuar bën që banorët ta kenë shumë të vështirë lëvizjen në ditë me diell dhe pothuajse të pamundur në ditë me shi.

Hajri Hoti, banor i kësaj lagjeje, thotë se i duhet të marrë fëmijët në krahë për të kaluar, pasi rruga është e mbuluar me ujë.

Këtë shqetësim ndajnë dhe banorët e tjerë të këtij komuniteti, ku thonë se askush nuk është kujtuar për to.

Janë rreth 3 mijë banorë të kësaj lagjeje që u duhet të kalojnë përmes pellgjeve me ujë për të shkuar në shkollë apo në punë.

Ndonëse janë banorë të qytetit, ata nuk ndihen aspak të tillë.

Top Channel