Akoma pa mbushur 5 vjeç, fëmijët kanë rreth 1000 foto në internet

Kërkimet e fundit tregojnë që, para se fëmija i tyre të festojë ditëlindjen e pestë, prindërit tashmë i kanë hedhur 973 foto në rrjete sociale, duke mos u treguar të kujdesshëm për të kontrolluar privatësinë e këtyre fotove.

Shumica e fotove hidhen në Facebook, si rrjeti social më popullor në botë, por prindërit harrojnë se mund të rregullojnë privatësinë e fotos, duke dhënë urdhra se kush mund ta shikojë atë, kush mund t’i japë “like” apo të bëjë komente.

Rreth 17% e prindërve janë shprehur se asnjëherë nuk rregullojnë privatësinë, ndërsa 46% kanë deklaruar se janë kujdesur për këtë një ose dy herë – shkruan “The Parent Zone”.

Në Britani ka filluar një fushatë vetëdijësuese për prindërit, të cilët publikojnë fotot e fëmijëve të tyre. Në këtë fushatë theksi vihet tek privatësia, pasi prindërit në mënyrë të pavetëdijshme vënë në rrezik fëmijën e tyre.

Top Channel