Zeniti i Shën Pjetërburgut është gjobitur me 300 mijë rubla (7 mijë e 400 euro) për shkak të incidenteve raciste që ndodhën muajin e kaluar me Roberto Carlos, lojtarin e Anzhit.
Në ndeshjen Zenit-Anzhi, mbrojtësit brazilian iu ofrua një banane nga një tifoz në shkallët e stadiumit.
Komiteti Disiplinor i Federatës Ruse të Futbollit e akuzoi Zenitin për “fyerje raciste dhe sjellje të papërshtatshme”.
Kryeministri rus, Vladimir Putin, është i përfshirë në luftën kundër racizmit dhe ka ndikuar në federatë në mënyrë që të merreshin masa ndaj këtij episodi.
“I kemi premtuar FIFA-s se do të presim botërorin e vitit 2018 duke respektuar tolerancën dhe askush nuk duhet të dyshojë për seriozitetin tonë”, theksoi Putin.
Top Channel
