Kubica, edhe dy javë në spital
22/02/2011 20:55
Marcus Thuram gjen më në fund golin me Francën, nuk shënonte me ‘Blutë’ që nga 2023 29/03 23:57
Piloti polak, Robert Kubica, do të qëndrojë të paktën edhe dy javë të tjera në spitalin italian të Santa Corona-s, ku qëndron i shtruar që prej 6 shkurtit, pas pësimit të një aksidenti të rëndë në relin e Italisë.
Lajmin e bëri të ditur gjatë pasdites mjeku Mario Igor Rosello, specialisti që ka trajtuar disa prej frakturave të pësuara prej polakut. “Lajmi i mirë është që Kubica nuk ka pësuar asnjë komplikacion pas operacioneve që i është nënshtruar së fundmi”, tha ai.
”Në dy javët e ardhshme, do të qëndrojë i shtruar dhe do të ndjekim avancimet në gjendjen e tij. Kjo është periudha ku ai duhet të qëndrojë ende i varur nga disa aparatura dhe në të cilën mund të shfaqen edhe infeksionet e post-operacionit.
Pasi të kalojnë këto dy javë, do të vlerësojmë se cili do të jetë hapi i ardhshëm që do të ndiqet”. Mjeku shtoi se 26-vjeçari është në gjendje të lëvizë lehtësisht gishtat dhe ka pak ndjeshmëri në dorë.
Piloti i Renault-it në Formulën 1, pësoi një aksident ndërsa drejtonte një makinë reli. Ai rrezikoi të ndërronte jetë, pas frakturave që pësoi në krah, legen dhe këmbë.
Top Channel
