Mancini e sheh gotën gjysmë plot: Keq në pjesën e parë, por në të dytën i vumë në vështirësi. Fërshëllimat? Të pranueshme… 25/09 23:47
Skema e ngjyrave
Madhësia e shkrimit
‘Gjërat nuk po shkojnë mirë, besoj se do të kthehet në shtëpi. Ndjeu një dhimbje të fortë në gju kur goditi. Nuk është një shenjë e mirë’-kështu u shpreh trajneri i kombëtares franceze në lidhje me dëmtimin e pësuar nga Kylian Mbappe në ndeshjen me Turqinë e fituar me rezultatin 1-0. Një deklaratë kjo që gjeti konfirmimin nga ana e Federatës Franceze të Futbollit.
Kjo e fundit doli me një komunikatë për të dhënë përditësimet në lidhje me gjendjen e futbollistit.
‘Kylian Mbappe u dëmtua në gju teksa po shënonte golin e fitores dhe vuan një dëmtim të tendinës. Do të kthehet në Madrid për t’iu nënshtruar trajtimit-theksonte Federata Franceze e Futbollit.
Ndërkaq këtë të shtunë, futbollisti do të kryejë testet mjekësore për të mësuar shkallën e vërtetë të dëmtimit të futbollistit. Por ajo që shqetëson më shumë Los Blancos është fakti se dëmtimi i pësuar nga Mbappe është e te i njëjti gju me të cilin sulmuesi kishte probleme sezonin e kaluar.
Kjo është hera e dytë që një futbollist i kombëtares franceze që luan me Realin e Madridit pëson dëmtim në grumbullimin me Les Bleus. mëngjesin e të enjtes edhe Ibrahima Konate u kthye në kryeqytetin spanjoll për shkak të një ndrydhjeje të lehtë në gju.
Top Channel
