Humbet “Topi i artë”

Lajmi publikohet nga e përditshmja italiane “Stampa”, sipas se cilës 2010-a është viti i fundit që do të dorëzohet trofeu më i ëndërruar nga të gjithë futbollistët.

“Topi i artë” zakonisht i jepet futbollistit më të spikatur me klubin e tij, por viti 2010 ka një të veçantë.

Këtë hetë, ky trofe do t’i jepet atij që është dalluar jo vetëm me klubin, por edhe me përfaqësuesen duke qenë se po zhvillohet edhe Botërori i Afrikës së Jugut.

Në këtë pikë, kanë filluar të publikohen edhe emrat e pretendentëve të parë për të fituar “Topin e artë”.

Shnajder, Çavi Hernandez e David Vija janë ata që kandidohen në rast se Botërorin e fitojnë Holanda ose Spanja.

Në rast suksesi të Uruguajit ose Gjermanisë, Forlán dhe Shvanjshtajger janë kandidatët e parë.

Por kjo gjë mund të ndryshojë, pasi Shnajder ashtu sikurse dhe Çavi Hernandez, mund të fitojnë “Topin e artë” edhe nëse skuadrat e tyre respektive nuk triumfojnë në botëror, ndërkohë që përfshihen me prepotencë edhe kandidaturat e Lionel Messit dhe Diego Militos.

Top Channel