Video/ Përmbytje të tmerrshme në Nepal me të paktën 8 të vdekur, momenti kur valët e mëdha përpijnë gjithçka

Përmbytjet kanë shkaktuar dëme të mëdha në rrugë, ura dhe objekte të infrastrukturës energjetike, veçanërisht në zonat pranë kufirit me Tibetin. Situata mbetet shqetësuese, pasi autoritetet paralajmërojnë se numri i viktimave mund të rritet.

Në zonat Siapru Besi dhe Timure, në sektorin malor të Rasuwa-s, niveli i ujërave është aq i lartë sa helikopterët nuk kanë mundur të ulen. Zyrtarët u kanë bërë thirrje banorëve që jetojnë përgjatë lumit Bhote Kosi të largohen drejt zonave më të larta.

Komandanti i sektorit, Narendra Pariyar, paralajmëroi për mundësinë e viktimave të tjera dhe dëmeve të mëdha materiale, ndërsa ekipet e shpëtimit po përpiqen të vlerësojnë situatën në terren.

Një dëshmitar nga zona tha se gjithçka ndodhi papritur. Sipas tij, banorët dëgjuan një shpërthim të fortë, ndërsa më pas njerëzit nisën të bërtisnin dhe të largoheshin me vrap.

Today, a devastating sudden surge in the Bhotekoshi River has caused widespread destruction, with fears that several people may have been killed or swept away. 📍Rasuwa District, Nepal, along the China border. pic.twitter.com/52if8LGlO9

— Weather Monitor (@WeatherMonitors) August 26, 2026

Përtej kufirit, në Tibet janë raportuar gjithashtu viktima dhe persona të zhdukur, pas një rrëshqitjeje dheu në një pikë kalimi mes Kinës dhe Nepalit.

Agjencia zyrtare kineze Xinhua raportoi se rrëshqitja e dheut goditi zonën e Girongut, duke dëmtuar rrugët, komunikimet dhe furnizimin me energji elektrike në distriktin Shigatse.

नेपाल के रसुआ जिले में तिब्बत से अचानक आई भीषण बाढ़ ने भारी तबाही मचाई है. टिमुरे बाजार और रसुवा सीमा नाके के कस्टम क्षेत्र में वाहन और अन्य सामान बाढ़ के तेज बहाव में बह गए हैं. कई जलविद्युत परियोजनाओं और बस्तियों को भी नुकसान पहुंचने की भी खबर है.
Nepal #Nepal pic.twitter.com/pK2OPcuLa3

— Kishor Joshi (@KishorJoshi02) August 26, 2026

Presidenti kinez Xi Jinping ka kërkuar përpjekje maksimale për gjetjen dhe shpëtimin e personave të zhdukur, si dhe forcimin e sistemeve të paralajmërimit të hershëm për të parandaluar fatkeqësi të tjera.

This is seriously scary. CCTV footage from Gyirong Port in Tibet, China, directly opposite Nepal’s Rasuwa district. This flash flood hit here first and later caused massive havoc in Nepal. Can’t even imagine someone surviving this. Prayers for everyone affected. 🙏 https://t.co/o805P8KGSu pic.twitter.com/31QzZ64aBD

— Nikhil saini (@iNikhilsaini) August 26, 2026

Ndërkohë, Ministria e Energjisë e Nepalit bëri të ditur se rreth 430 megavat energji elektrike janë prekur nga përmbytjet, kryesisht për shkak të dëmtimeve në hidrocentrale.

Policia dhe ushtria nepaleze janë angazhuar në operacionet e kërkim-shpëtimit, ndërsa autoritetet kanë urdhëruar banorët e zonave të ulëta të zhvendosen në vende më të sigurta.

Shkaku i saktë i përmbytjeve nuk është përcaktuar ende. Megjithatë, lumi Bhote Kosi ishte përfshirë edhe vitin e kaluar nga një përmbytje e fuqishme, e cila shkaktoi nëntë viktima dhe 24 persona të zhdukur. Sipas një agjencie rajonale të monitorimit të klimës, ajo fatkeqësi ishte shkaktuar nga shpërthimi i një liqeni të madh akullnajor në Tibet.

Top Channel