Putin merr kontrollin e objekteve të sulmuara vazhdimisht nga ukrainasit: Është një çështje sigurie 26/08 09:33
Skema e ngjyrave
Madhësia e shkrimit
Qeveria e Panamasë ka shpallur gjendje të jashtëzakonshme për shkak të kushteve ekstreme të motit, të lidhura me fenomenin El Niño, i cili ka shkaktuar reshje të dendura në disa zona, por edhe thatësira të rënda.
Ministrja e Brendshme, Dinoshka Montalvo, deklaroi se masa është marrë për të përgatitur vendin për pasojat e mundshme të fenomenit. Gjendja e jashtëzakonshme do të mundësojë përshpejtimin e procedurave administrative dhe ndërhyrjen më të shpejtë për përballimin e situatës.
Një nga pasojat kryesore është mungesa e reshjeve, e cila ka prekur edhe funksionimin e Kanalit të Panamasë. Autoritetet kanë njoftuar reduktimin e numrit të anijeve që lejohen të kalojnë në kanal, nga 36 në 34 anije në ditë duke nisur nga 3 shtatori dhe më pas në 32 nga 15 shtatori.
Kanali i Panamasë, me gjatësi rreth 80 kilometra, është një nga korridoret më të rëndësishme të tregtisë botërore dhe përpunon rreth 5% të tregtisë detare globale. Shtetet e Bashkuara dhe Kina janë ndër përdoruesit kryesorë të tij.
Ndërkohë, edhe El Salvadori ka shpallur alarm të kuq në të gjithë territorin për shkak të thatësirës së lidhur me El Niño-n. Autoritetet kanë paralajmëruar për mungesë uji dhe dëme të konsiderueshme në bujqësi.
Thatësira ka shkaktuar rënie të nivelit të burimeve ujore dhe humbje të të korrave. Sipas përfaqësuesve të fermerëve, prodhimi i parë i drithërave pritet të pësojë një rënie prej rreth 20%. Qeveria ka njoftuar gjithashtu ndihma ushqimore për familjet e fermerëve të prekur.
Masa e alarmit në El Salvador përfshin monitorimin e burimeve ujore dhe të kulturave bujqësore, identifikimin e komuniteteve më të prekura dhe forcimin e mbikëqyrjes epidemiologjike.
Situata është shqetësuese edhe në Honduras, ku zonat jugore dhe perëndimore kanë raportuar humbje të të korrave të misrit dhe fasules. Qeveria në Tegucigalpa ka vendosur pothuajse 80% të territorit në gatishmëri.
Programi Botëror i Ushqimit i Kombeve të Bashkuara ka paralajmëruar se Amerika Qendrore mund të jetë rajoni më i prekur nga pasiguria ushqimore si pasojë e El Niño-s.
Fenomeni klimatik, i cili ndodh zakonisht çdo dy deri në shtatë vjet, shkakton ngrohjen e ujërave sipërfaqësore të Paqësorit dhe mund të sjellë ndryshime të mëdha në temperaturat, reshjet dhe modelet e motit në mbarë botën. Ekspertët paralajmërojnë se episodi aktual mund të jetë ndër më intensivët e regjistruar në më shumë se një shekull.
Top Channel
