PSG pret në Paris Bayern Munchen në gjysmëfinalen e parë të Champions League këtë sezon.
Kampionët në fuqi të Europës, Paris Saint-Germain, vazhdojnë të duken të papërmbajtshëm edhe këtë sezon në UEFA Champions League.
Parizienët kanë kaluar me lehtësi tre raundet e fundit me eliminim direkt, duke siguruar një vend në gjysmëfinale për të tretin sezon radhazi. Forma e tyre është mbresëlënëse, me tetë fitore në nëntë ndeshjet e fundit në të gjitha garat, përfshirë triumfin 3-0 ndaj Angers që i afroi edhe më shumë me titullin në Ligue 1.
Me kampionatin vendas pothuajse të siguruar, skuadra e drejtuar nga Luis Enrique mund të përqendrohet plotësisht te Champions League.
Një fitore në këtë ndeshje do t’i jepte trajnerit spanjoll suksesin e 50-të në këtë kompeticion – një rekord për shpejtësinë – dhe njëkohësisht do të ishte fitorja e 100-të e PSG-së në historinë e turneut. Ironikisht, fitorja e tyre e parë në këtë rrugëtim erdhi pikërisht kundër Bayern Munich.
Nga ana tjetër, bavarezët vijnë si kampionë të saposhpallur në Bundesligë, por me një provë jo shumë bindëse në fundjavë, ku përmbysën një disavantazh 0-3 për të fituar 4-3 ndaj Mainz. Megjithatë, në Champions League ata kanë qenë ndër më dominuesit, me 11 fitore – më shumë se çdo skuadër tjetër këtë sezon. Forma e tyre si mysafirë është po ashtu solide, me shtatë fitore në nëntë ndeshjet e fundit jashtë fushe në këtë kompeticion.
Historia e përballjeve direkte favorizon dukshëm gjermanët: Bayern ka fituar pesë ndeshjet e fundit ndaj PSG-së në Champions League, përfshirë suksesin 2-1 në këtë stadium në fazën e ligës në nëntor. Ky është një rekord unik dominimi ndaj klubit francez në kompeticionet madhore europiane.
Statistikat tregojnë një ndeshje të hapur dhe spektakolare. PSG ka mbajtur portën e paprekur në gjashtë nga tetë ndeshjet e fundit, ndërsa ka shënuar të paktën dy gola në tetë ndeshje radhazi me eliminim direkt në Champions League.
Nga ana tjetër, tetë nga nëntë ndeshjet e fundit të Bayern në këtë kompeticion kanë prodhuar gola nga të dyja skuadrat, ndërsa 11 nga 12 takimet e tyre kanë përfunduar me mbi 3 gola.
REZULTATI LIVE:
PSG 5-2 BAYERN MUNCHEN
Kvaratskhelia 24′, 56′, Joao Neves 33′, Dembele (P) 45+5′ , 58’/ Kane (P) 17′, Olise 41′
KOMENTI LIVE:
58′ GOOOL PSG 5-2/ Dembele merr një top në zonë godet me të djathtën dhe topi shkon në rrjetë. (VIDEO)
56′ GOOOL PSG 4-2/ Kvaratskhelia përfiton nga një top i hedhur në zonë dhe me të djathtën tund rrjetën. (VIDEO)
51′ Kvaratskhelia pengohet në zonë, me vendasit që pretendojnë për penallti, por gjyqtari lë lojën të vazhdojë.
46′ Nis pjesa e dytë!
45+6′ Mbyllet pjesa e parë!
45+5′ GOOOL PSG 3-2/ Dembele nuk gabon nga pika e bardhë, edhe pse Neuer arriti t’i gjejë krahun. (VIDEO)
45+3′ Penallti për PSG! Pas rishikimit me VAR, gjyqtari akordon 11-metërsh.
45+1′ Dembele hedh një krosim në zonë, por ndalet nga Davies. Parizienët pretendojnë për penallti.
45′ Akordohet 1 minutë shtesë.
41′ GOOOL BAYERN 2-2/ Olise futet bukur në zonë dhe me një predhë rikthen baraspeshën. (VIDEO)
36′ Doue futet në zonë dhe godet me të djathtën, por tentativa e tij shkon jashtë kuadratit.
33′ GOOOL PSG 2-1/ Joao Neves gjen një krosim në zonë dhe me kokë tund për të dytën herë portën e Bayern-it. (VIDEO)
24′ GOOOL PSG 1-1/ Kvaratskhelia futet në zonë, lëviz bukur dhe me të djathtën dërgon topin në rrjetë. (VIDEO)
23′ E pabesueshme! Dembele del i vetëm përpara Neuer, por godet jashtë kuadratit.
20′ Olise provon me një gjuajtje brenda zonës, por topi devijohet nga portieri Safonov.
17′ GOOOL BAYERN 0-1/ Kane nuk gabon nga pika e bardhë e penalltisë. (VIDEO)
16′ Penallti për Bayernin! Pacho ndërhyn në mënyrë të gabuar ndaj Diaz në zonë dhe gjyqtari akordon një 11-metërsh.
12′ Diaz nis një kundërsulm të shpejtë, por ndalet me faull nga Marquinhos, i cili ndëshkohet me karton të verdhë.
1’ Starton sfida në Paris!
FORMACIONET ZYRTARE:
Top Channel
