Katër burra – dy belgë, një vietnamez dhe një kenian – janë arrestuar në Kenia në përpjekje për të kontrabanduar qindra milingona të kërkuara jashtë vendit.
Objektet e kontrabanduara ishin milingona gjigante afrikane, të cilat vlerësohen nga disa tregtarë në Britani deri në 200 euro secila.
Besohet se ato do të shiten në tregjet ekzotike të kafshëve shtëpiake në Evropë dhe Azi.
Të arrestuarit i kishin fshehur insektet në “epruveta dhe shiringa të modifikuara posaçërisht” në të cilat ata mund të mbijetonin për dy muaj. Ata gjithashtu u përpoqën të anashkalonin sistemet e sigurisë.
Edhe pse numri i saktë i insekteve nuk dihet ende, një zëdhënës i KWS i tha BBC-së se ky është rasti i parë në këtë shkallë në vend.
KWS tha gjithashtu se kërkesa për lloje të rralla insektesh po rritet dhe se mbledhësit i mbajnë ato në zona të veçanta për të ndërtuar kolonitë e tyre. Cephalotes, gjigante afrikane të milingonës Messor mund të arrijnë një gjatësi prej rreth 2 centimetra, ndërsa mbretëresha arrin 2.5 centimetra, një madhësi e kënaqshme për blerësit.
Në Kenia, milingonat mbrohen nga traktatet ndërkombëtare të biodiversitetit dhe tregtia e tyre është e ndaluar rreptësisht.
Top Channel
