Më pak se një muaj para se të rikthehet në Shtëpinë e Bardhë, ja emrat e rinj të Trump për administratën 23/12 22:18
Mbrojtja civile në Rripin e Gazës njoftoi se të paktën 21 njerëz u vranë në bombardimin ajror të një xhamie islamike që ishte shndërruar në një strehë për personat e zhvendosur brenda në Deir al-Bala (në qendër).
Sulmin e konfirmoi ushtria izraelite, duke thënë se goditi “komandën dhe kontrollin qendror” të lëvizjes islamike palestineze Hamas.
“Numri i të vdekurve është 21 dhe ka një numër të madh të të plagosurve, pas bombardimit të xhamisë, e cila ndodhet përballë hyrjes në Spitalin e Martirëve al-Aksa në Deir al-Bala, në pjesën qendrore të Gazës”, tha një zëdhënësi mbrojtjes civile.
Më herët, agjencia zyrtare palestineze e lajmeve WAFA raportoi të paktën 18 të vdekur, përfshirë fëmijë dhe dhjetëra të plagosur.
Në një deklaratë, ushtria izraelite tha se ” ka kryer një sulm preciz kundër terroristëve të Hamasit që vepronin brenda një qendre komandimi dhe kontrolli të ngulitur në një strukturë që më parë ishte xhamia ‘Suhada al-Aqsa’ në zonën Deir al-Bala”.
Top Channel
