Dua Lipa kritikon Talyor Swift? Artistja shqiptare: Disa njerëz janë të pamëshirshëm, përdorin jetën private për vëmendje 17/09 19:52
Tek femrat menopauza zakonisht ndodh rreth moshës së mesme, duke sjellë pas vetes edhe mbylljen e ciklit të tyre riprodhues.
Procesi i “shuarjes” së prodhimit te vezoreve përfshin mbarë sistemin riprodhues të femrës, që nga truri e deri tek lëkura dhe kjo ngjarje kaq e rëndësishme fiziologjike sjell pas vetes edhe një sërë ndryshimesh në trupin dhe jetën e femrës. Faza e peri-menopauzës, menopauzës dhe post-menopauzës është një ndryshim natyror dhe nuk duhet shikuar si sëmundje edhe pse tek disa femra ka vështirësi shumë më të mëdha se tek disa të tjera.
Mesatarja e moshës në botën perëndimore për fillimin e menopauzës është 51 vjeç dhe mosha normale që të fillojë është mes 45-55 vjeç. Rënia e hormoneve të prodhuara nga trupi gjatë menopauzës mund të çojë në një rritje të rrezikut të osteoporozës dhe aterosklerozës e cila mund të çojë deri në sulme të zemrës.
Ndërsa shumë vende nuk kanë mundësinë e trajtimit të këtij cikli në jetën e çdo gruaje, në Tuluzë të Francës ndodhet një spital universitar që pranon dhe këshillon gratë që kalojnë menopauzën. Drejtoresha e kësaj qendre në Tuluzë, pret pacientë nga e gjithë Franca dhe ju jep përgjigje pyetjeve dhe shqetësimeve të tyre.
Top Channel
