Pezullohet kandidati britanik që vinte bast kundër vetes në zgjedhjet e korrikut (fotot)
26/06 19:00
Të paktën 11 persona kanë vdekur dhe më shumë se 60 janë të zhdukur si pasojë e dy mbytjeve të anijeve në brigjet e Italisë jugore, thonë ekipet e shpëtimit.
Organizata bamirëse gjermane RESQSHIP tha se shpëtoi 51 persona nga një varkë prej druri që po fundosej dhe gjeti 10 trupa të bllokuar në kuvertën e poshtme pranë ishullit Lampedusa të hënën.
Në një incident të veçantë në të njëjtën ditë, më shumë se 60 persona u raportuan të zhdukur, ku 26 prej tyre dyshohet se ishin fëmijë, sipas Médecins Sans Frontières (MSF)
Varkat mbanin emigrantë që ishin nisur nga Libia dhe Turqia, thanë agjencitë e OKB-së. Të mbijetuarit e mbytjes së anijes pranë Lampedusa-s iu dorëzuan rojes bregdetare italiane dhe u nxorën në breg mëngjesin e së hënës, ndërsa ka vijuar puna për gjetjen e trupave të pajetë.
Varka ishte nisur nga Libia dhe mbante emigrantë nga Siria, Egjipti, Pakistani dhe Bangladeshi, tha në një deklaratë të përbashkët agjencia e OKB-së për refugjatët UNHCR, Organizata Ndërkombëtare për Migracionin (IOM) dhe agjencia e OKB-së për fëmijë UNICEF.
Anija tjetër e mbytur ndodhej rreth 125 milje larg brigjeve të Kalabrisë në Italinë jugore, thanë agjencitë. Një nga 12 personat e mbijetuar vdiq pasi zbarkoi, tha roja bregdetare italiane.
Shakilla Mohammadi nga MSF tha se kishte dëgjuar nga të mbijetuarit se 66 njerëz ishin të pagjetur, duke përfshirë të paktën 26 fëmijë, disa vetëm disa muajsh.
“Familje të tëra nga Afganistani supozohen të vdekura. Ata u larguan nga Turqia tetë ditë më parë dhe kishin marrë ujë për tre ose katër ditë. Ata na thanë se nuk kishin jelek shpëtimi dhe disa anije nuk ndaluan për t’i ndihmuar,” tha ajo në një deklaratë.
Mesdheu është rruga më vdekjeprurëse e njohur e migrimit në botë. Më shumë se 23,500 emigrantë kanë vdekur ose janë zhdukur në ujërat e saj që nga viti 2014, sipas të dhënave të OKB-së.
Top Channel
