Të paktën 22 të burgosur politikë në Bjellorusi, po mbahen në spitale psikiatrike

Organizatat për të drejtat e njeriut dhe ekspertët e cilësojnë këtë praktikë si një formë të mundshme ndëshkimi dhe izolimi ndaj kundërshtarëve të pushtetit.

Sipas grupeve për të drejtat e njeriut, personat janë akuzuar për vepra të ndryshme, përfshirë fyerjen e zyrtarëve shtetërorë, veprimtari të cilësuara si ekstremiste dhe heqjen e flamujve shtetërorë.

Ndryshe nga burgimi i zakonshëm, trajtimi i detyrueshëm psikiatrik nuk ka një kohëzgjatje të përcaktuar dhe personat e prekur nuk mund të përfitojnë nga amnistitë apo faljet.

Një nga rastet e njohura është ai i Maria Uspenskayas, e cila u dërgua në një institucion psikiatrik pas arrestimit në vitin 2021. Në mesin e personave të tjerë të prekur janë edhe artistja Neli Alfyorava dhe disa të rinj të akuzuar për vepra kundër autoriteteve shtetërore.

Sipas ekspertëve, vendimin për trajtimin e detyrueshëm e merr gjykata, ndërsa mjekët kryejnë ekzaminimet dhe japin vlerësimet profesionale. Ligji parashikon kontrolle mjekësore të paktën çdo gjashtë muaj.

Top Channel