Një 59-vjeçar është gjetur pa shenja jete në një kanal në fshatin Plug të Lushnjës.
Policia bën me dije se 59-vjeçari ishte shpallur në kërkim nga Komisariati i Policisë Lushnjë, pasi ishte larguar nga banesa në datë 27.05.2023.
Lushnjë/informacion paraprak
Me datë 29.05.2023, rreth orës 14:25, është gjetur pa shenja jete dhe pa shenja dhune, në një kanal në fshatin Plug, shtetasi A. K., 59 vjeç. Ky shtetas ishte shpallur në kërkim nga Komisariati i Policisë Lushnjë, për largim nga banesa në datë 27.05.2023.
Paraprakisht dyshohet se 59-vjeçari ka ndërruar jetë për shkaqe natyrale.
Grupi hetimor ndodhet në vendngjarje dhe po punon për zbardhjen e plotë të rrethanave të ngjarjes.
Top Channel
