Plani i qeverisë italiane për të kontrolluar gjendjen financiare të skuadrave, klubet e “Serie A”, deklaratë të përbashkët kundër reformës 07/05 07:42
Tifozët e Lazios nuk heqin dorë nga racizmi. Prej vitesh bëhen protagonistë me sjelljet e tyre të gabuara, ndërkohë që “viktimat” e radhës së koreve të tyre ishin Samuel Umtiti dhe Lameck Banda gjatë takimit Lecce-Lazio (2-1).
Ultrasit bardhekaltër u fiksuan më shumë me ish-mbrojtësin e Barcelonës. Arbitri ndërpreu për disa momente ndeshjen, ndërkohë që tifozët vendas shpërthyen në ovacione duke thirrur në kor emrin e Umtitit.
“Koret raciste u mbytën nga brohorimat inkurajuese të tifozëve. Të gjithë tifozët e Lecces nisën të thirrnin të gjithë të njëjtin emër: Samuel Umtiti”, reagoi Lecce.
Në lidhje me racizmin në futbollin italian ka reaguar edhe Gianni Infantino, presidenti i FIFA-s. “Solidaritet për Samuel Umtiti dhe Lameck Banda. Le të bërtasim me zë të lartë dhe qartë: JO RACIZMIT!
Le të ngrihen shumica dërrmuese e tifozëve, të cilët janë njerëz të mirë, për t’i mbyllur gojën një herë e përgjithmonë të gjithë racistëve!“, theksoi kreu i futbollit botëror.
Top Channel
