Hiqen kufizimet, Presidenti Biden do të lejojë Ukrainën të përdorë armë amerikane për sulme brenda Rusisë 17/11 20:24
Në emër të Britanisë së Madhe, Ambasadori britanik Alastair King Smith ka uruar Shqipërinë për 110-vjetorin e pavarësisë.
Në një video-mesazh në Twitter, diplomati britanik krahas urimit shkruan se ky vit ka qenë i veçantë për Shqipërinë dhe Mbretërinë e Bashkuar ndërsa festojmë 100-vjetorin e marrëdhënieve, por edhe për të personalisht. Diplomati shkruan se marrëdhëniet mes dy vendeve, duhet të vazhdojnë të forta edhe në të ardhmen.
“Më lejoni të uroj sot gëzuar Pavarësinë dhe Ditën e Çlirimit për të gjithë shqiptarët që ndodhen në Shqipëri, në Mbretërinë e Bashkuar apo në të gjithë botën. Ky ka qenë një vit shumë i veçantë për ne dhe për mua personalisht.
Gjatë gjithë këtij viti, kam pasur mundësinë të zbuloj këtë vend të mrekullueshëm dhe të shoh pasuritë dhe shumëllojshmërinë që ai ofron. Ka qenë gjithashtu një vit i veçantë për Shqipërinë dhe Mbretërinë e Bashkuar ndërsa festojmë 100 vjetorin e marrëdhënieve tona.
Duam që këto marrëdhënie të vazhdojnë të forta në të ardhmen. Prandaj sot dua t’u them të gjithë shqiptarëve: Gëzuar Ditën e Pavarësisë dhe Ditën e Çlirimit”- thotë King Smith urimin në gjuhën shqipe.
Independence & Liberation Day are an occasion for all who love #Albania to celebrate.
One of the joys of exploring this beautiful country is how we each learn about its rich history & diverse culture.
Today I wish Albanians in 🇦🇱 & in the 🇬🇧 a wonderful long celebratory weekend! pic.twitter.com/UxfaHJDJZ6— Alastair King-Smith (@AlastairKS) November 28, 2022
Top Channel
