Everton fiton derbin dhe nxjerr Liverpoolin nga gara e titullit, United triumf me përmbysje 24/04 23:21
Pretendentët për fitoren e turneut të fundit Grand Slam të vitit vijojnë rrugëtimin e tyre në turneun e Flushing Meadows.
Daniil Medvedev, numri 1 i botës nuk hasi në asnjë vështirësi në ndeshjen e tij të raundit të dytë me francezin Rinderknech të cilin e mundi me rezultatin 3-0 dhe si kundërshtar të radhës do të ketë tenistin kinez Yibing Yu.
Pasi fitoi setin e parë 6-2, Medvedev hasi në një rezistencë më të madhe në fraksionin e dytë të sfidës që gjithsesi arriti ta fitojë 7-5, ndërsa setin e tretë e mbylli me rezultatin 6-3.
U kualifikua për në raundin tjetër edhe Andy Murray që mundi amerikanin Nava me rezultatin 3-1. Britaniku nuk e nisi aspak mirë sfidës pasi e humbi setin e parë 5-7, por Murray e mori shumë shpejt veten teksa arriti të fitojë me lehtësi 3 setet e tjerë 6-3;6-1 dhe 6-0 për të vijuar aventurën e tij në tokën njujorkeze.
Në kampin e vajzave, Serena Williams vazhdon të mbajë gjallë ëndrrën për të fituar titullin e shtatë në US Open dhe të 24 Grand Slam në karrierë. Tenistja amerikane eliminoi në raundin e dytë Anett Kontaveit duke e mundur me rezultatin 2-1.
Serena Williams fitoi me vështirësi setin e parë 7-6 me Tiebreak dhe humbi të dytin 2-6. por në setin final, amerikania diti t’i imponohet kundërshtares së saj duke e fituar këtë fraksion 6-2 për të kaluar në raundin e tretë ku përballë do të ketë Alja Tomljanoviç.
Top Channel
