Juventusi ka marrë një fitore të rëndësishme në transfertë, duke mposhtur 2-1 AZ Alkmaar në ndeshjen e vlefshme për raundin e katërt të fazës së ligës në Europa League.
Skuadra italiane zhvilloi një pjesë të parë shumë të mirë, duke krijuar avantazhin e dy golave, ndërsa në fund iu desh të vuante për të ruajtur rezultatin.
Teun Koopmeiners zhbllokoi sfidën në minutën e 19-të, pas një kundërsulmi të shpejtë të nisur nga Randal Kolo Muani, i cili dha edhe asistin. Në minutën e 37-të, ishte sërish sulmuesi francez që gjeti rrugën e rrjetës, duke dyfishuar shifrat pas pasimit të Nick Woltemade.
Në pjesën e dytë, AZ Alkmaar u përpoq të rikthehej në lojë dhe ushtroi më shumë presion në portën e Juventusit. Vendasit arritën të ngushtonin diferencën në minutën e 88-të me Mexx Meerdink, pas asistit të Elijah Dijkstra, duke i dhënë emocione minutave të fundit.
Top Channel
