Java e katërt e fazës së ligës në Europa League ka sjellë rezultate surprizuese, me vëmendjen kryesore që shkoi te përballja mes Bayer Leverkusenit dhe Marseille.
Skuadra franceze arriti të fitojë 1-0 në transfertë, duke i shkaktuar gjermanëve humbjen e parë në këtë edicion të kompeticionit.
Leverkusen, që kishte fituar tri ndeshjet e para dhe nuk kishte pësuar asnjë gol, mbetet me 9 pikë, ndërsa Marseille regjistron fitoren e parë dhe ngjitet në kuotën e 3 pikëve, pas tri humbjeve radhazi.
Një mbrëmje pozitive ishte edhe për Benficën, e cila mposhti 3-1 Lech Poznan dhe shkon në 12 pikë, duke ruajtur ecurinë perfekte me katër fitore në katër ndeshje. Në krahun tjetër, Celtic mori një fitore të rëndësishme 3-2 ndaj Besiktas, në një përballje dramatike, duke siguruar tri pikët e para në këtë fazë. Turqit mbeten me 7 pikë.
Fitore të rëndësishme regjistroi edhe Union Saint-Gilloise, që mposhti 2-1 Celta Vigon në transfertë dhe ngjitet në 10 pikë. Ndërkohë, Dinamo Zagreb fitoi 2-0 ndaj Sunderlandit dhe shkon në 7 pikë.
Rezultatet e mbrëmjes:
– Bayer Leverkusen 0-1 Marseille
– Benfica 3-1 Lech Poznan
– Celta Vigo 1-2 Union Saint-Gilloise
– Celtic 3-2 Besiktas
– Hapoel Beer Sheva 0-2 OFI Crete
– Sturm Graz 1-3 NK Celje
– Sunderland 0-2 Dinamo Zagreb
– Torreense 3-2 Ararat-Armenia
Top Channel
