Pezullohet projekti i turbinave të erës në ujërat e New York pas fitores së Trump në zgjedhje (fotot)
27/11 21:47
Çmimi Nobel në Letërsi i vitit 2021 i jepet romancierit Abdulrazak Gurnah “për depërtimin e tij të pakompromistë dhe të dhembshur në efektet e kolonializmit dhe fatin e refugjatit në gjirin midis kulturave dhe kontinenteve.”
Shkrimtari Abdulrazak Gurnah nga Tanzania të enjten është shpallur fitues i Çmimit Nobel në Letërsi për vitin 2021.
Akademia e vlerësoi Gurnah “për depërtimin e tij pakompromis dhe të dhembshur në efektet e kolonializmit dhe fatin e refugjatit në hendekun mes kulturave dhe kontinenteve”.
I lindur në Zanzibar në 1948, Gurnah mbërriti në Angli si refugjat në fund të viteve 1960.
Ai është autor i 10 romaneve dhe disa tregimeve të shkurtra.
Gurnah ishte profesor i letërsisë angleze dhe postkoloniale në Universitetin e Kentit, Canterbury, deri sa doli në pension.
Çmimi, i cili përfshin të gjithë punën e një shkrimtari, konsiderohet si letërsia më prestigjioze.
Marrësit e mëparshëm të çmimit, të dhënë për herë të parë në 1901, kanë përfshirë romancierin Toni Morrison, dramaturgun Samuel Beckett dhe kantautorin Bob Dylan.
Çmimi i letërsisë vitin e kaluar iu dha poetes amerikane Louise Glück për shkrimin “që me bukurinë e rreptë e bën universale ekzistencën individuale”, sipas komitetit Nobel.
Çmimi i saj u pa si një rivendosje shumë e nevojshme pas disa vitesh skandale.
Në vitin 2018, akademia e shtyu çmimin pasi një anëtar i akademisë u akuzua për sjellje të pahijshme seksuale dhe për zbulimin e emrave të kandidatëve.
Anëtari i akademisë, Jean-Claude Arnault, u dënua më vonë me dy vite burg.
Top Channel
