Video/ Ariu i tempullit kap burrin që e provonte me ushqim dhe nis ta kafshojë, por për fat pa e vrarë (fotot)
23/11 15:28
Në bankat e shkollave janë rikthyer përsëri nxënësit në të gjithë Greqinë me protokolle të rrepta shëndetësore.
Ata kanë hyrë në klasa duke paraqitur sipas rregullave te reja një certifikatë të rezultatit negate të testeve për Covid-19, një certifikatë vaksinimi apo një vërtetim se janë infektuar kohët e fundit nga koronavirusi.
Qeveria synon që shkollat të mbeten të hapura gjatë gjithë vitit shkollor, ndërsa parashikohet që nëse dikush nga nxënësit infektohet do të hyjë në karantinë dhjetë ditë, kurse nxënësit e tjerë do të kryejnë teste për koronavirusin çdo ditë.
Shkollat janë hapur ne nje moment kur sipas ministers se arsimit janë vaksinuar mbi 80% e mësuesve, ndërsa kane hyre ne fuqi masat e reja emergjente për të mbrojtur shëndetin publik dhe për të kontrolluar përhapjen e Covid-19.
Midis te tjerash te pavaksinuarit janë te detyruar si ne sektorin privat ashtu dhe ne ate shtetëror te paraqesin nje test çdo jave qe e kryejnë tani me shpenzimet e tyre.
Gjithashtu kufizime të ngjashme zbatohen në stadiume, muzeumet dhe vendet arkeologjike, kinematë dhe restorantet. Rreth 56% e banorëve të Greqisë janë vaksinuar plotësisht, ndërsa norma mesatare në BE është pak më shumë se 60%. Komisioni I specialisteve te pandemisë ka aprovuar edhe vaksinimin e fëmijëve duke filluar nga mosha 12 vjec si dhe dozen e trete te vaksinës per personat me historik te renduar shëndetësor.
Ne 24 orët e fundit numri i viktimave ka shënuar rritje duke shkuar ne 51 dhe qeveritaret greke shprehen te shqetësuar pasi vendi nuk mund të përballojë nje karantine te dyte si ajo e vitit te kaluar qe solli nje tkurrje prej 8.2% te ekonomisë.
Top Channel
