“Do isha vrasës profesionist shumë i suksesshëm”, Laert Vasili shokon me deklaratën e tij: Di t’i fsheh mirë gjurmët, mamaja hynte në shtëpi me… 27/11 17:36
Qyteti i Fierit prej dy ditësh është mbuluar nga retë toksike të tymit që del nga fusha e mbetjeve urbane fare pranë qytetit.
Edhe pse koha është e mirë dhe me diell, rrezet e tij bllokohen nga reja e tymit të mbetjeve urbane.
Zjarri ka rënë në fushën e mbetjeve në Mbrostar. Sasia e madhe e plehrave që ndodhet atje është ndezur prej dy ditësh.
Pamjet e filmuara nga ajri tregojnë madhësinë dhe rrezikshmërinë që po paraqet kjo re toksike për banorët e Fierit dhe zonave përreth.
Në situate më të vështire janë shtëpitë dhe bizneset që ndodhen pranë kësaj zone. Në këto banesa është pothuajse e pamundur që të qëndrosh për shkak se tymi është i padurueshëm.
Prej dy ditësh zjarrfikësit nga Fier, Patosi dhe Roskoveci po mundohen që ta fikin flakën, por sasia e madhe e plastikës që është depozituar në këtë landfill, e bën pothuajse të pamundur punën për fikjen e tij.
Vatra e zjarrit është përhapur në një zonë të gjerë të kësaj fushe mbetjesh. Landfilli i Mbrostarit depoziton mbetjet në qiell të hapur që prej fillimeve të viteve ‘90.
Policia po heton në lidhje me këtë zjarr që duket se është shkaktuar nga zjarret e vendosura në bimësinë pranë këtij landfilli dhe që po ndihmohet nga temperaturat e larta dhe era e fortë.
Top Channel
