SHBA, bilanci i vdekjeve/ 300 mijë më shumë gjatë 2020
21/10/2020 18:11
Rrëzimi i avionit në Lituani, ngrihen dyshime se mund të jetë i lidhur me sabotim 25/11 22:20
Studimi më i fundit i qendrës Amerikane për Kontrollin dhe Parandalimin e Sëmundjeve, tregon se në SHBA gjatë 2020-tës janë regjistruar 300 mijë vdekje më shumë, dhe dy të tretat e tyre janë prej koronavirusit, edhe pse ne certifikatat e vdekjes mund të mos jetë regjistruar virusi si shkak.
Bazuar në gjetjet e agjencisë federale që trajton çështje të shëndetit, mes kësaj shifre të rritur të vdekjeve për këtë periudhë, 26.5 për qind janë persona të moshës nga 25 në 44 vjeç, rritja më e madhe e shënuar mes të gjitha grupmoshave.Një përqindje të lartë vdekjesh ka pasur mes njerëzve me ngjyrë.
Hispanikët shënuan një rritje prej 56 për qind, afrikano-amerikanët një rritje prej 33 për qind, ndërsa amerikanët e bardhë vetëm 12 për qind. Hispanikët, afrikano-amerikanët si dhe amerikanët e moshuar, janë prekur më shumë nga pandemia e COVID-19 sesa pjesa tjetër e popullsisë.Sipas universitetit Johns Hopkins, Shtetet e Bashkuara vazhdojnë të kenë numrin më të madh të vdekjeve si pasojë e COVID-19 me më shumë se 221,000 raste të konfirmuara që nga fillimi i pandemisë.
Top Channel
