Në Barcelonë protestohet kundër rritjes së çmimeve të qirasë 24/11 11:49
Të shumtë janë njerëzit që mendojnë se koronavirusi është një mashtrim dhe nuk besojnë në ekzistencën e tij.
I tillë ishte dhe një burrë në Florida, i cili nuk besonte në ekzistencën e virusit derisa sëmundja do t’i shuante përgjithmonë të shoqen. Sipas mediave të huaja, Brian Lee Hitchens dhe gruaja e tij Erin, kishin lexuar në rrjete sociale këndvështrime të ndryshme mbi COVID-19, e të ndikuar nga teoritë konspirative çifti mendonte se virusi ishte një grip i zakonshëm.
E kështu të dy injoruan hapur udhëzimet shëndetësore, madje nuk kërkuan ndihmë e mjekëve kur u infektuan me virusin. Brian ia doli që të shërohet, por gruaja e tij 46-vjeçare shfaqi simptoma më të rënda dhe vdiq këtë muaj nga problemet në zemër, të cilat iu nxitën akoma më tepër nga prania e virusit në trupin e saj.
Në një intervistë për BBC-në, Brian tha se do të dëshironte që të kthente kohën pas dhe të dëgjonte këshillat e thëna nga autoritetet. Ndër të tjera, ai i kërkoi falje bashkëshortes së ndjerë.
“Ky virus është i vërtetë. Megjithëse nuk jam në gjendje që të ndryshoj të kaluarën do të mundohem që të bëj zgjedhje më të mira në të ardhmen”, tha ndër të tjera Brian.
Top Channel
