VIDEO/ Pesë humbje radhazi, Manchester City turpërohet me katër gola nga Tottenham, Chelsea dhe Arsenali nuk gabojnë 23/11 20:33
Usain Bolt është testuar pozitiv me koronavirus vetëm disa ditë pasi festoi 34-vjetorin e lindjes me shumë miq të tij (emra të rëndësishëm), ndër të cilët ishte edhe futbollisti i Manchester City-t, Raheem Sterling.
“Nationwide90fm”, një radio në Xhamajkë, raportoi se sprinteri më i madh i të gjitha kohërave ka marrë virusin dhe do të kalojë në izolim derisa testi t’i dalë negativ. I njëjti burim thotë se 34-vjeçari e kishte bërë tamponin disa ditë më parë dhe se përgjigjen e mori të dielën.
Ishulli i Karaibeve ka pasur gjithsej 1 413 raste me Covid-19 dhe 16 vdekje në total. Të shtunën, kryeministri Andrew Holness paralajmëroi një rritje të rasteve poztive dhe u bëri thirrje banorëve që të jenë vigjilentë për të parandaluar përhapjen.
“Ka nevojë për vetëdije … për përgjegjësi personale nga secili qytetar,” tha ai.
Top Channel
