Mediat kanadeze padisin inteligjencën artificiale OpenAI për shkelje të të drejtës së autorit (fotot)
29/11 21:55
Teatri rus me famë botërore Bolshoi në Moskë është goditur nga një përhapje e rëndë koronavirusi me 34 raste infektimi.
Sëmundja shpërtheu pasi trupa bëri një performancë televizive në auditorin e zbarazur, teksa Rusia është e bllokuar në karantinë me 21,102 të infektuar dhe 170 vdekje.
Drejtori i përgjithshëm i Bolshoit, Vladimir Urin tha se 34 njerëz të përfshirë në organizimin e koncertit televiziv që u quajt ‘Ne jemi së bashku’, rezultuan pozitivë me Covid-19.
Urin shtoi se i gjithë personeli i teatrit pa përjashtim ishin testuar për koronavirus dy ditë para koncertit, duke përfshirë dhe roje e teknikë.
“Tridhjetë e katër të infektuarit me koronavirus nuk kanë shfaqur simptoma të sëmundjes por kanë pezulluar punën dhe janë dërguar në karantinë”.
Disa qindra njerëz kishin kaluar me sukses testin e koroanvirusit dy ditë para eventit madhor, i cili u organizua në shenjë falenderimi për doktorët ruse, punonjësit e emergjencës dhe vullnetarët në përpjekjet kundër koronavirusit.
Kërcimtari Sergei Polunin tha: “Unë isha shumë i lumtur që u riktheva në skenë dhe kërceva në mbështetje të njerëzve që po luftojnë kundër virusit, megjithse ishte e çuditshme para një salle të zbrazur. Por kur ecja në skenë e ndjeja se audienca ishte aty”.
Disa nga mediat thonin se përhapja e infeksionit në Bolshoi tregonte dështim nga aparati shëndetësor, teksa sot në Rusi kishte 2,774 raste të reja.
Presidenti Vladimir Putin ka pranuar vështirësitë në përmbajtjen e epidemisë dhe ka thënë se vigjilenca duhet ruajtur: “Kemi disa probleme dhe javët që do të vijnë do të jenë deçizive për vendin, nuk duhet të ulim vigjilencën”.
Top Channel
