Jo vetëm “ylli” i Milanit, Bayerni synon t’i “rrëmbejë” dy lojtarë Guardiolës 24/05 15:52
Maurizio Sarri ndryshon regjimin te skuadra e Chelseat. Tekniku italian vendosi që t’u japë më shumë liri futbollistëve të tij, ndryshe nga sa bënte bashkëkombasi i tij Antonio Conte, që kishte rregulla më strikte.
Sipas të përditshmes “AS”, masa e parë që ndërmori Sarri te “blutë” e Londrës ishte eliminimi i grumbullimit të skuadrës mbrëmjen përpara ndeshjeve, që do të thotë se futbollistët do të qëndrojnë në shtëpitë e tyre për të kaluar më shumë kohë me familjarët.
Sarri vendosi të jetë më pak i ashpër edhe për sa i përket regjimit të ushqimit, me futbollistët që janë të lirë të konsumojnë më shumë lloje ushqimesh, krejtësisht e kundërta nga rregulli i Contes, që preferonte një dietë më të fortë.
Këto dy masa janë pritur shumë mirë nga futbollistët, të cilët nuk e pëlqenin aspak menaxhimin e ekipit në mënyrë “diktatoriale”. Në fakt, duket se këto ndryshime i kanë dhënë të drejtë Sarrit, me Chelsean që e nisi sezonin e ri në Premier League me fitoren bindëse 3-0 ndaj Huddersfield.
Gjithsesi, i vetmi rregull që nuk mund të ndryshohet dot nga Sarri, duke qenë se nuk është në dorën e tij ta bëjë diçka të tillë, është një nga normat e përcaktuara nga Federata e Futbollit (FA) për moslejimin e duhanpirjes nga trajnerët në pankina, në momentin e zhvillimit të ndeshjeve.
Ndonëse lumturoi lojtarët, ai vet do të jetë “i dënuar” të vuajë, ashtu siç bëri edhe në debutimin në Premier League, teksa u kap nga fotoreporterët me një filtër duhani në buzë, për të hequr “fiksimin”.
Top Channel
