Jo vetëm “ylli” i Milanit, Bayerni synon t’i “rrëmbejë” dy lojtarë Guardiolës 24/05 15:52
E hëna e fundit e këtij nëntori mund të futet në historinë e statistikave si një “ditë e zezë” për trajnerët italianë. Pas Montellës dhe Bucchit, edhe Gianni De Biasi humbet rolin e tij në krye të pankinës së Alavesit.
Ka qenë pikërisht klubi spanjoll, Deportivo Alaves, që ka komunikuar përmes një njoftimi zyrtar shkarkimin e ish-trajnerit të Kombëtares shqiptare.
COMUNICADO | Gianni de Biasi deja de ser entrenador del Deportivo Alavés: https://t.co/Wx8j0kShUQ pic.twitter.com/Ii5oTJtVhO
— Deportivo Alavés (@Alaves) November 27, 2017
Ai u thirr në detyrë në kërkim për të rifutur ekipin e La Ligës në rrugën e duhur për mbijetesën mes më të mirëve, pas një nisjeje jashtëzakonisht të keqe të këtij sezoni, por edhe ai nuk ka mundur të bëjë gjë në këtë drejtim, duke regjistruar 6 humbje në 8 ndeshje të zhvilluara.
Në këto takime, skuadra e drejtuar prej De Biasit ka shënuar vetëm 7 gola dhe ka pësuar 16 të tillë. Fatale për fatet e teknikut italo-shqiptar kanë rezultuar dy humbjet e fundit radhazi me Getafen dhe Eibarin.
Alaves, pas një sezoni të mrekullueshëm të zhvilluar vjet, që e përfundoi me 55 pikë në La Liga dhe vetëm një hap larg rekordit të vitit 1999-2000, ndërkohë që humbi finalen e Kupës së Mbretit ndaj Barcelonës me rezultatin 3-1, tashmë gjendet në vendin e fundit të La Ligës dhe e distancuar me 6 pikë nga vendi i 4-t nga fundi i mbajtur nga Deportivo La Coruna.
Kjo, gjithsesi nuk është eksperienca e parë e De Biasit në kampionatin spanjoll, teksa ka drejtuar më parë edhe Levanten në sezonin 2007-2008. Edhe atëherë gjërat nuk i shkuan më mirë sesa tani: trajneri italian u shkarkua, ndërsa Levante zbriste nga kategoria në fund të sezonit.
Top Channel
