Asteroidi “minierë ari”; kalon të dielën pranë tokës

17/07/2015 00:00

Një asteroid me vlerë rreth 5.4 biliardë dollarë është parashikuar të kalojë pranë tokës të dielën.

Pamjet e kalimit të asteroidit do të transmetohet drejtpërdrejt edhe në internet nga një qendër shkencore për vëzhgime astronomike, e vendosur në ishujt Kanarie.

Asteroidi ka tërhequr vëmendjen e një kompanie minerare, pasi mendohet të ketë deri në 100 milionë ton platin.

Asteroidi “2011 UW-158” do të kalojë rreth 2.4 milionë kilometra larg nga sipërfaqja e tokës të dielën, por interesi për të është rritur për shkak të përbërjes së tij.

“Ajo që e bën të pazakontë këtë asteroid është platini që mendohet se fshihet në trupin e këtij ‘vizitori të hapësirës’”, tha astronomi Bob Berman, i cili shtoi se ndoshta nuk do të jetë e largët koha kur ai të shkatërrohet.

Top Channel