Pas konfirmimit për anullimin e Cmimit të Madh të Bahreinit, i parashikuar të zhvillohej nga 11-13 mars, Bernie Ecclestone u shpreh i zhgënjyer.
“Jam paksa i zhgënjyer që gara u shty, por duke parë gjendjen në të cilën ndodhet kjo pjesë e botës, ishte gjëja më e mirë që mund të bëhej”, tha bosi i Formulës 1 për BBC.
“Princi i Bahreinit dhe unë diskutuam për këtë dhe bëmë atë që na dukej më mirë për këdo”, deklaroi Ecclestone.
Princi Salman nënvizoi se vendi arab kishte nevojë për kohë për zgjidhjen e problemeve: “Në këto momente, vëmendja e vendit është e përqendruar në dialogun kombëtar.”
“Dua të falenderoj Bernie Ecclestone për mbështetjen dhe mirëkuptimin. Prioriteti i Bahreinit tashmë është kapërcimi i kësaj situate të vështirë”, shtoi princi.
Top Channel
