“Lufta” mes Italisë dhe Gjermanisë për talentin e sulmit vazhdon, Mancini shpreson për vitin 2027

Sulmuesi i ri, i cili aktualisht luan për Club Brugge, ka vendosur të mos marrë ende një vendim përfundimtar për kombëtaren që do të përfaqësojë në nivelin e të rriturve.

Sipas raportimeve, Tresoldi do ta shtyjë vendimin deri pas Kampionatit Evropian U-21 të vitit 2027. Kjo zgjedhje e mban të hapur mundësinë që ai të pranojë ofertën e Federatës Italiane të Futbollit (FIGC).

Sulmuesi i lindur në vitin 2004 ka lidhje me të dyja vendet. Ai ka rrënjë italiane, ndërsa është rritur dhe ka zhvilluar karrierën e tij futbollistike në Gjermani.

Deri në Europianin U-21, Tresoldi pritet të vazhdojë të përfaqësojë Gjermaninë U-21, të drejtuar nga Antonio Di Salvo.

Në deklaratat e tij të fundit publike, lojtari ka shprehur krenarinë për të përfaqësuar Gjermaninë në nivelin e të rinjve, ndërsa ka lënë të kuptohet se vendimin për kombëtaren e të rriturve do ta marrë më vonë.

Kjo situatë i mban gjallë shpresat e Italisë, e cila dëshiron ta bindë sulmuesin që në të ardhmen të zgjedhë “Azzurrët”.

Gara për Tresoldin ka përfshirë kontakte të drejtpërdrejta mes drejtuesve të federatave dhe stafit teknik të dy vendeve.

Sipas raportimeve, Roberto Mancini ka kontaktuar personalisht sulmuesin për t’i shpjeguar projektin dhe planet e Italisë për të.

Edhe pala gjermane, e udhëhequr nga Jürgen Klopp, ka zhvilluar komunikime me lojtarin në përpjekje për ta mbajtur atë në orbitën e kombëtares gjermane.

Ndërkohë, ekziston edhe mundësia që Tresoldi të ketë të drejtë të përfaqësojë Argjentinën, për shkak të origjinës së nënës së tij. Megjithatë, kjo alternativë duket aktualisht dytësore në krahasim me Italinë dhe Gjermaninë.

Për momentin, Tresoldi ka zgjedhur të presë. Vendimi përfundimtar për të ardhmen e tij ndërkombëtare pritet të merret pas Europianit U-21 të vitit 2027.

Top Channel